Дваесет и четири крвни единици беа собрани во денешната редовна крводарителска акција, која се реализираше во Домот на културата „Иван Мазов Климе” во Кавадарци.
-Во акцијата учествуваа сите оние кои се чувствуваат здраво и ја покажаа својата хуманост со тоа што даруваа крв. Акцијата беше во организација на Црвениот крст Кавадарци и Републичкиот Институт за трансфузија – Скопје, појасни Димитар Каракулев, претседател на Општинската организација на Црвен крст, која ги опфаќа општините Кавадарци и Росоман.
Тој информираше дека годишниот план за крводарување е 1.184 крвни единици, а секоја година ги натфрлуваат плановите и реализираат по околу 1.600 крводарувања. Годинава, досега се собрани околу илјада крводарувања.