Oпштина Кавадарци спроведува превентивни активности против пожари, информираат од Службата за односи со јавноста при кавадаречката локална самоуправа.
– Во соработка со противпожарната единица Кавадарци и ЈП Македонски шуми, подружница Бор Кавадарци, ќе реализираме превентивна акција за заштита од пожари. Со акцијата ќе биде опфатена површината на месноста Мал и Голем Љубаш, а предвидено е и чистење на постоечките патеки, соопштуваат од општинската прес служба.
Оттаму додаваат дека оваа акција е од големо значење за превентивно делување во случај на пожар.