Предлог – одлука за поведување постапка за утврдување недозволена медиумска концентрација кај Трговското радиодифузно друштво АЛФА ТВ ДООЕЛ Скопје е втората точка за која треба да расправаат членовите на Агенцијата за медиуми на седницата закажана за 12 јуни. Нема информација дали точката е по претставка или по нечие барање, или го покренува Агенцијата по службена должност.
АВМУ во април годинава не утврди недозволена медиумска концентрација кај телевизија 24. Постапката беше покрената на седницата на Советот во февруари годинава по поднесено барање од странка врз основа на интервју на сопственикот на операторот „Роби“. Недозволената медиумска концентрација законски е уредена во Законот за аудио и аудиовизуелни медиумски услуги.
Васко Маглешов