Општина Крива Пaланка почна со имплементација на ИСО- стандардот за управување со квалитет

Од:

Општина Крива Паланка започна со имплементација на стандардот за управување со квалитет ИСО 9001:2015, информираат од Oпштината.

Во насока на имплементирање на ефикасни јавни услуги за потребите на граѓаните, стопанството и на сите заинтересирани страни, општината започна со имплементација на меѓународниот стандард за управување со квалитет ИСО 9001:2015, што придонесува граѓаните на општина Крива Паланка да добиваат навремени и квалитетни услуги, а истовремено да се подобруваат и организациските можности, ефикасното искористување и управување на човечките ресурси во локалната администрација.

– Имплементацијата на стандардот за квалитет ќе се одвива во повеќе фази во кои ќе се направи анализа и оценка на постоечките процеси и нивната поврзаност, идентификација на разликите меѓу постоечката состојба и барањата на стандардот, дефинирање на контекстот на општината и нејзините процеси како и изработка и имплементација на комплетна документација која ја бара стандардот, притоа користејќи ја постоечката документација на општина Крива Паланка со која се реализираат активностите, додаваат од службите за информирање на општината.

По завршувањето на процесот на имплементација, Крива Паланка ќе биде подготвена за сертификација од независно тело, со што ќе добие сертификат за квалитет ИСО 9001:2015.

Имплементирањето на ИСО-стандардот е меѓународна гаранција и верификација за квалитетно работење, чија крајна цел е задоволството на крајните корисниците од услугите на општината.

Би можело да ве интересира

Координативен состанок за трајно решавање на проблемот со неконтролираното движење на добитокот во Крива Паланка

Предраг Петровиќ

Заловени 96 говеда во Крива Паланка, АХВ се соочува со опструкции од поранешните сопственици

Крива Паланка поднесe кривични пријави поради неспроведените решенија за одземање на добитокот

А1он

Митовски бара законски овластувања за да го реши проблемот со добитокот по улиците во Крива Паланка

Зад рудникoт за антимон во Крива Паланка стојат донатори на ВМРО-ДПМНЕ, тврди СДСМ

Катерина Ѓуровски

Градоначалникот на Крива Паланка да не се амнестира од проблемот со кравите, реагира АХВ