Полициска станица Кавадарци денеска доби комбе за интервенции, донација од кавадаречките компании “Кав-комерц” и “Кожувчанка”.
– Комбето е донирано на локалната самоуправа, па преотстапено на полицијата. Со ова се овозможува полициската станица да има подобри услови за работа, а Кавадарци да се издигне на едно повисоко ниво, рече градоначалникот Митко Јанчев.
Благодарност за донацијата изрази командирот Сашко Димовски, нагласувајќи дека тоа ќе придонесе за побрза интервенција и поголема безбедност, поуспешна работа на полицијата, на територијата на општините Кавадарци и Росоман.
Донацијата на возилото беше најавена уште пред некое време, по средбата на министерот за внатрешни работи Оливер Спасовски и градоначалникот Јанчев.
Во рамките на одбележувањето на Денот на македонската полиција, Димовски рече дека во изминатата година кавадаречката полиција, покрај обемноста во работата, успешно се справувала со сите проблеми.
Тој нагласи дека процентот на расветлени дела е доста висок, над 70 проценти во изминатите шест месеци.