Времето денеска ќе биде променливо облачно со повремени врнежи од дожд со слаб до умерен интензитет најпрвин во западните делови. Локално ќе има услови за појава на грмежи проследени со краткотраен пороен дожд. Ќе дува умерен, на места засилен јужен ветер, најави Управата за хидрометеоролошки работи (УХМР).
Дневните температури од 10 до 20 степени целзиусови.
Локално ќе има и услови за нестабилна облачност, проследена со грмежи и со краткотраен пороен дожд. Се очекува пообилни врнежи да има во западните делови на земјава каде е можно да наврнат 25 литри на метар квадратен воден талог. Ќе дува умерен, на места засилен јужен ветер. Потоа во наредните два дена ќе има слаб локален дожд, а дневните температури ќе опаднат за неколку степени.