Околу 36 милиони Колумбијци денеска имаат право да изберат 166 членови на Претставничкиот дом и 102 сенатори од изборните листи на 12 партии.
Изборите се тест за мировниот договор со групата Револуционерни вооружени сили на Колумбија (ФАРК), со кој би можело да се стави крај на 52-годишниот конфликт.
Аналитичарите сметаат дека е тешко да се предвиди дали ќе успее партијата на Демократскиот центар, основана од поранешниот претседател Алваро Урибе, кој води кампања против договорот од ноемри 2016 година за мирна спогодба.
Доколку Демократскиот центар добие повеќе гласови од партиите од десничарската коалициска влада на претседателот Хуан Мануел Сантос, тогаш може да се измени или целосно да се прекине договорот.