Фудбалерите на Реал Мадрид забележаа победа од 2:0 против Валенсија, во првиот четвртфинален натпревар од фудбалскиот Куп на Шпанија.
На средбата одиграна синоќа на „Сантијаго Бернабеу“ во Мадрид, Реал до победата дојде со головите на Карим Бензема (37.минута) и автоголот на Хозе Гуардадо (73).
Реванш натпреварот на „Местаља“ ќе се игра следната седмица, а вечерва на програмата се нови два натпревари од четврфиналната фаза во Копа дел Реј.
Двојките се: Сарагоса – Севиља (19:30 часот) и Барселона – Малага (21:30).
Првата половина од оваа рунда ќе биде комплетирана утре со натпреварот Атлетико Мадрид – Бетис (почеток 22 часот).