Првиот и најсложениот предмет на специјалното јавно обвинителство за изборни измами „Титаник“, ќе го суди судијата Осман Шабани од oдделот за организиран криминал и корупција, потврдуваат од кривичниот суд за „Макфакс“.
Термин за првото рочиште сè уште не е одреден. На судијата Шабани ова му е трет предмет на СЈО. Освен „Титаник“, Шабани ги суди и предметите „Топлик“ и „Тендери“.
Во предметот „Титаник“, обвинети се 21 лице за изборни измами, меѓу кои и врвот на ВМРО-ДПМНЕ: Никола Груевски, Мартин Протоѓер, Кирил Божиновски, Миле Јанакиески, Гордана Јанкулоска, Билјана Бришкоска Бошковски, Леко Ристовски.
Првпат на обвинителна клупа ќе седне и Илија Димовски. СЈО бара на обвинетите да им се конфискува имот во вредност од 2,2 милиони евра.
В. Маглешов