Времето денеска ќе биде променливо облачно. До пладневните часови сè уште ќе има повремени врнежи од дожд вдолж Повардарието, а на планините на запад и на исток понекаде и на повисоките места ќе има врнежи од снег, информира УХМР.
Од пладне ќе дува умерен до повремено засилен северозападен ветер најизразен на југоисток, а облачноста ќе се намалува. Температурата ќе се движи од 4 до 11 степени.
Во Скопје претпладне ќе има повремен слаб дожд, а потоа ќе дува умерен до повремено засилен северен ветер и облачноста ќе се намали. Температурата до 9 степени.
Во наредните денови времето ќе биде стабилно и суво, по котлините и по речните долини со појава на магла и ниска облачност. Во следните два дена утринските температури ќе бидат пониски, а за време на викендот температурите преку денот и особено на југоисток ќе достигнуваат и до 15 степени.