Градоначалникот на Општина Штип, Благој Бочварски, се обрати по повод празникот Св. Никола.
„Нека е честит денот и празнувањето на Свети Никола.
Во редицата манифестации кои ги содржи Програмата за одбележување на овој Ден централно место зазеде вчерашната Свечена академија, но и денешното одбележување продолжува и тоа преку литургија, литија, а и кршење на празничниот колач.
Во духот на празникот, ви упатувам честитки со желби за лична среќа и духовен мир. На сите граѓани на Штип им посакувам благосостојба, љубов и бериќет. На сите вас кои го чествувате ви пожелувам добро здравје, спокоен и квалитетен живот.
Празникот да се слави во кругот на најсаканите и најблиските. Нека кај сите истакне добрина, милост, солидарост и простување, но исто така и практикување на универзалните човекови вредности.
Во духот на овој празник да го поттикнуваме најдоброто во нас и кај нашите блиски, независно од нивната етничка, верска, јазична и идеолошка припадност. Богатството на традициите и на различностите ја прави Македонија држава којашто има со што да се гордее во светот.
Ќе ги чуваме, негуваме и развиваме тие вредности во насока на создавање држава на еднакви, задоволни и среќни граѓани во Македонија. Само така ќе чекориме кон остварување на заедничките цели за успешна и просперитетна Република Македонија“, рече Бочварски.