Во организација на Скопски саем од 25 до 27 месецов во ВИП арена „Борис Трајковски“ во Скопје ќе се одржат 43. издание на меѓународниот саем ТЕХНОМА и 37. Меѓународна изложба на иновации – МАКИНОВА 2017.
На саемските манифестации ќе бидат презентирани дејности, производи, услуги и експертиза на домашни и странски фирми од металургијата, електротехниката, енергетиката, градежништвото…
– Тимот на Скопски саем со години ги подготвува познатите саемски манифестации кои резултираат со десетици илјади посетители и бројни бизнис конекции и контакти со значително влијание врз економијата во Република Македонија. Овој стучен тим во целост ја вложи својата умешност и долгогодишно искуство во организација на годинешното издание на саемот ТЕХНОМА 2017 и ВИП Арена „Борис Трајковски“ ќе ја претвори во центар за иновативност и технологија, изјави Дејан Кошутиќ, извршен директор на Скопски саем.
Како што потенцираат од Скопски саем, на ТЕХНОМА веќе четири децении се претставуваат националните економии од многу земји и региони и се организираат разни стручни програми и Б2Б средби.
Официјалното отворање на ТЕХНОМА 2017 е закажано за 25 октомври (среда) во 11:30 часот во ВИП арена „Борис Трајковски“.
Работното време за посета на саемот е од 10 до 19 часот. Цената на редовната влезница изнесува 50 денари, а за организирани групни посети влезницата чини 30 денари.