На небото во Кина синоќа биле забележани три големи огнени топки, пишува Дејли Мејл и објаснува дека станувало збор за три метеори кои експлодирале над провинцијата Јунан.
Експлозијата во еден момент целосно го осветлила небото, а набљудувачите изјавија дека во тие 5 секунди изгледало како да свети Сонцето.
Снимки од експлозијата брзо ги преплавија кинеските социјални мрежи, а експертите тврдат дека метеорите слетале во мало село, околу 40 километри оддалечено од округот Шангри-Ла.
Локалното население кажува дека слушанле силен звук и почувствувале тресење на земјата, а домашните животни биле толку исплашени што избегале од живеалиштата.
Експлозијата била набљудувана и од НАСА, која наведува дека во моментот биле ослободени околу 0,54 киотони енергија, што е еднакво на 540 тони ТНТ.