Мора да го отвориме Македонски Брод блиску до главниот град ако сакаме развој, ќе ја поддржиме индустриската зона, ќе ја поддржиме инфраструктурата, но за да има инвестиции мора да го отвориме Македонски Брод кон главниот град, рече лидерот на СДСМ, Зоран Заев на денешниот митинг во Македонски Брод.
– Oвој наш прекрасен регион може поинаку, може подобро да донесе живот за сите. Затоа го имате Живко за живот во Македонски Брод. Дојдов прво да го дадам зборот дека ќе ја имате целата моја поддршка, поддршка на Владата и мнозинството во Парламентот за сите проекти коишто се однесуваат на квалитетна инфраструктура, поврзување со Македонски Брод и квалитетен живот за сите граѓани на Македонски Брод, рече Заев.
Тој додаде дека сите општини се еднакво важно и дека парите рамномерно ќе биде распределени еднакво насекаде во државата и кажа дека се залагаат за рамномерен регионален развој за сите.
– Македонски Брод не може и не смее да си дозволи да им го продолжи рокот на траење и на оние кои ја водат општината, а што ја водеа државата. Вие рековте не на централната власт, сега е време да ја промениме локалната власт. Да гласаме за Живко за живот во Македонски Брод. Да живее Македонски Брод, да живее Република Македонија, рече Заев.
