Кина силно ги поддржува Интерпол и меѓународната борба против тероризмот, изјави денеска на отворањето на Генералното собрание на Интерпол во Пекинг кинескиот претседател Си Џинпинг.
Тој го потенцира придонесот на Кина во глобалното спроведување на законот и полицијата, додавајќи оти се повеќе луѓе сега ја гледаат Кина како една од најбезбедните земји во светот.
– Во соработката во областа на спроведување на законите меѓу државите, законите на секоја од нив мора да бидат почитувани како и еднаквоста во рамките на меѓународниот закон, посочи Си.
Интерпол минатата година за свој претседател го избра кинескиот заменик министер за јавна безбедност Менг Хангвеј.