Поранешниот премиер на Република Турција и пратеник од Конја Ахмет Давутоглу од утре до 29 септември ќе престојува во работна посета на Република Македонија.
Во рамки на посетата Давутоглу, како што е најавено, ќе има средби со претседателот на Република Македонија Ѓорѓе Иванов и со премиерот Зоран Заев.
Давутоглу на 28 септември ќе се обрати на панел дискусијата за „Перцепцијата на Република Турција во Република Македонија“, во организација на Здружението на дипломирани студенти од Турција.
На функцијата премиер на Турција Давутоглу стапува на 29 август 2014, откако Реџеп Тајип Ердоган е избран за претседател на Турција. На позицијата 26-ти премиер на Турција останува до 5 мај 2016 година кога се повлекува од позицијата лидер на Партијата на правдата и развојот АКП. Претходно, од 2009 до 2014 година беше министер за надворешни работи на Турција.