Вкупно 348 осомничени лица се уапсени во операции против криминални организации спроведени во 58 турски провинции, соопшти денеска Министерството за внатрешни работи на земјата.
Според соопштението објавено на каналите на Министерството на социјалните мрежи, операциите биле спроведени заеднички – под координација на Одделот за борба против организиран криминал при Генералниот директорат за безбедност и јавните обвинителства, а по налог на министерот за внатрешни работи Мустафа Чифтчи – пренесе агенцијата Анадолија.
Истрагата открила дека осомничените на комуникациските платформи објавувале содржини поврзани со „регрутирање платени убијци“ и извршување убиства по нарачка, како и објави што – како што се наведува – „го величале криминалот и криминалците, упатувале закани и навреди и ширеле пропаганда за криминални организации“.