– Јас задоцнив малку, така што не успеав да ги слушнам образложенијата на членовите на Антикорупциска, зошто е одбиен приговорот и ќе почекам официјален одговор за да можам да го коментирам, рече поранешниот директор на ЈП „Јасен“, Оливер Андонов.
– Во однос на тоа кога е донесена одлуката, јас можам да ви приложам документ со датум кога ми е врачена одлуката за разрешување. Ќе инсистирам правдата да излезе на виделина, никаде во одлуката за мое разрешување не стои датум 5-ти туку стои датум 11.08. кога сум ја примил одлуката. Не знам кој во целава работе се прави луд или збунет, изјави Андонов.
Андонов вели дека нема желба да се врати во „Јасен“, но дека почитувал легалитет. Најави дека ќе се врати во образованието како професор.