Министерството за информатичко општество и администрација соопшти дека министерот Дамјан Манчевски вчера остварил средба со евроамбасадорот Самуиел Жбогар и претставници на Делегацијата на Европската унија.
Од страна на министерот Манчевски е презентиран планот за работа на Министерството, при што тој ја потенцирал подготвеноста за спроведување на реформи коишто се во согласност со европските вредности и начела.
На средбата е разговарано и за натамошната соработка и споделување на позитивните практики во областа на информатичкото општество, администрацијата и медиумите. Соговорниците разговарале и за максимизирање на искористеноста, како и за зајакнувањето на импактот на ИПА фондовите, во насока на приближување на земјата кон интеграцијата во Европската Унија.