Кандидатот за градоначалник на Град Скопје Јани Макрадули вчера оствари средби со жителите на Урбаните заедници Бардовци и Нерези.
Со граѓаните се разговараше за проблемите со кои се соочуваат, со легализација на земјиштето и со катастарот, за новиот урбанистички план во кој не влегува дел од Бардовци и Нерези.
Изразија огромно незадоволство за општата ситуација во државата, случувањата во Собранието како и партиските вработувања на градоначалникот Коце Трајановски.
Градот Скопје најмногу инвестира во Центар, заборавајќи ги останатите општини. Граѓаните на Карпош се дискриминирани и им се затворени вратите од Коце Трајановски бидејќи живеат во општина каде градоначалникот е од редовите на СДСМ.
Се пожалија на неквалитетниот воздух во изминативе години и многуте уништени паркови и зеленилата во градот. За крај им се обрати и советничката на Град Скопје Софија Куновска.