„Четвртото обраќање на Претседателот на Република Македонија, Ѓорге Иванов има три заеднички елементи со претходните обраќања: датумот, денот и бледата содржина, само различна е годината.
– Жалиме што и во денешното обраќање не успеа да излезе од партиските стеги и барем еднаш да ја испочитува својата уставна позиција, како прв човек на државата.
– Наместо да демонстрира авторитет и одличност, се однесуваше како портпарол на Владата со премиерски амбиции.
– Ја искара и и се закани на опозицијата, ама кога Република Македонија беше преплавена со албански знамиња и кога добивме шамар од Брисел се криеше како илегалец во сопствената земја.
– Претседателот Иванов многу малку говореше за неговите уставни надлежности, за одбраната и надворешната политика. Остана во сенка на Владата.
– Република Македонија на меѓународен план останува изолирана земја без јасна визија за одблокирање на евро-атланските интеграции, раскарани со сите комшии, а дома со осиромашени граѓани поделени по етничка основа“, изјави Горан Мисовски, Координатор на ПГ на НСДП.