НАТО го разгледува барањето на авганистанските власти, во таа земја да се испратат дополнителни неколку илјади војници. За неколку недели ќе биде донесена одлука во рамките на таа мисија, изјави денеска во Лондон генералниот секретар на Алијансата Јенс Столтенберг.
– Во моментов го разгледуваме барањето. Одлуката ќе ја донесеме за неколку недели, наведе Столтенбер, истакнувајќи дека тука не станува збор за „враќање на воената операција“ во Авганистан.
Тој објасни дека понатамошната операција ќе се однесува на обуки и советување.
Столтенберг ја даде оваа изјава по состанокот со британската премиерка Тереза Меј.