Двата тимови од Мадрид вечерва успеаа да изборат пласман во полуфиналето од Лигата на Шампионите, победувајќи ги геранскиот и англискиот шампион.
Во дербито на денот, Реал Мадрид беше поуспешен од Баерн Минхен со 4-2 по продолженија, откако во регуларните 90 минути, гостите од Минхен го неутрализираат поразот од 1-2 од првиот натпревар.
Левандовски го донесе Баерн во предност во 53. минута од пенал, а Реал Мадрид изедначи преку Кристијано Роналдо во 76. минута. Само две минути подоцна во една конфузна ситуација во шеснаесетникот на Реал Мадрид, капитенот Серхио Рамос си постигна пенал, со што резултатот се изнедначи со тој од првиот натпревар.
Во 84. минута следуваше втор жолт, односно црвен картон за Артуро Видал од Баерн, со што се смири играта до крајот на регуларните 90 минути.
Во продолжението, Кристијано Роналдо успеа да изедначи во 105. минута со сомнителен гол од офсајд и игра со рака, за да пет минути подоцна го доведе својот тим во предност.
Конечните 4-2 ги постави Асенсио во 112 минута.
Во центарот на вниманието по овој натпревар ќе остане судијата Виктор Касаи поради црвениот картон за Видал и изедначувачкиот гол на Реал Мадрид.
Во вториот вечерашен натпревар, Лестер и Атлетико Мадрид одиграа 1-1, што беше доволно за гостите од Мадрид да продолжат понатаму.
Саул Нингез го доводеве во предност тимот од Мадрид во 26. минута, а конечните 1-1 ги постави Варди во 61. минута.
Утревечер тимот на Барселона го пречекува Јувентус на Камп Ноу каде што ќе се обиде да ја надохнади негативата од 3-0 од првиот натпревар, а во вториот дуел тимот на Монако го пречекува Дортмунд каде што ќе треба да ја одбрани предноста од 3-2 од Германија.