Советот за безбедност на ОН утре ќе одржи вонредна седница по барање на Јапонија и САД, со цел да се разгледаат новите севернокорејски тестирања на балистички ракети.
Северна Кореја вчера истрела четири балистички ракети во Јапонското Море, како дел од тренажна вежба за напад врз американски воени бази во Јапонија.
Американскиот претседател Доналд Трамп во телефонски разговор со вршителот на должност претседател на Јужна Кореја, Хванг Кјо-ан разгледаа какви дејствија да бидат преземени како одговор на севернокорејските ракетни тестирања.
Претходно, Трамп телефонски разговарал со јапонскиот премиер Шинѕо Абе, а министерот за одбрана на САД, Џејмс Матис се осврна на севернокорејските ракетни тестирања во телефонски разговор со јапонскиот колега Томоми Инада. Тие двајца ги оценија ракетните тестирања како „неприфатливи и неодговорни“.