Македонскиот шампион МЗТ Скопје Аеродром и теоретски го обезбеди опстанокот во регионалната кошаркарска АБА лигата откако вечерва Партизан во Белград ја победи Крка нанесувајќи му го на словенечкиот тим 18-от пораз оваа сезона.
Тоа значи дека МЗТ Скопје Аеродром и да ги загуби двата последни дуела во АБА лигата и да има ист број бодови со Крка, ќе биде подобро пласиран од Словенците поради подобра кош-разлика во меѓусебните средби.
МЗТ Скопје исто како и Карпош Соколи утре го играат својот меч од претпоследното 25.коло. Аеродормци гостуваат кај Будуќност во Подгорица, додека Карпош Соколи е домаќин на Задар.