Екипата на Карпош Соколи вечерва е поразена на гостувањето во Загреб од Цедевита, во дуел од АБА Лигата, со 81:77 (14:20; 22:19; 25:20 и 20:18).
Цедевита со овој триумф е поблиску до освојувањето на втората позција на табелата во пресрет на плеј офот. Екипата на карпош Соколи беше равноправен ривал со фавориот на дуелот.
Најефикасен на натпреварот беше Драган Лабовиќ од Карпош Соколи со 27 поени.
Ова беше првиот натпревар од 24.коло, а денеска се одигра и последниот дуел од 23.коло во кој Партизан го победи Задар со 87:86.
Кошаркарите на МЗТ Скопје Аеродром дуелот од оваа рунда со Игокеа на домашен терен ќе го играат во понеделник.
Табела: Црвена Звезда 22-1 (победи-порази), Цедевита 18-6, Партизан 17-6,Будуќност 16-7, Цибона 11-12, Игокеа 11-12, ФМП 10-13, Олимпија 10-13, Мега 9-14, Карпош Соколи 9-15, МЗТ Скопје Аеродорм 8-15, Морнар 7-16, Крка 7-16, Задар 6-17.