Унгарскиот амабасадор Ласло Дукс денеска ја посети општина Кавадарци, при што оствари средба со градоначалникот на општината Александар Панов.
-Досегашната културна соработка би сакале да продолжи и на полето на економијата. Ги истакнав предностите на Кавадарци. Задоволен сум што и тој тежнее кон економската соработка. Планираме да се одржат заеднички состаноци на регионалните стопански комори. Со помош на нашите пријатели од Унгарија, можеме полесно да дојдеме и до европските фондови, рече Панов.
Амабасадорот Дукс нагласи дека потенцијалот во Тиквешијата е добар.
-Имаме партнерски односи и соработка. Го познавам вашето подрачје и неговиоит потенцијал, а земјоделството е еден од потенцијалите како и малите и средни претпријатија, рече Дукс и додаде дека од тиквешките вината кои ги пробал негов фаворит е црвеното вино „вранец”
