Новинарката-дописник од Охрид за дневниот весник „Вечер“, Сузана Вренцовска денеска попладне физички била напданата во центарот на Охрид во обид да ја заврши својата професионална задача.
Настанот се случил кога Вренцовка во обид да фотографира една од оштетените рампи за паркирање во строгиот центар на градот најпрво вербално, а потоа и физички била нападната од страна на две лица кои и го одзеле и фотоапаратот.
Во обид да си го земе апаратот новинарката била турната на земја при што таа се здобила со телесни повреди на раката. Случката настанала кога Вренцовска заедно со дописничката на „Канал 5“ телевизија, Соња Рилковска се нашле на местото каде што се случила сообраќајна незгода.
Според кажувањата на новинарките кон биле упатувани навредливи пораки. Полицијата привела неколку лица инвловирани во целиот случај, а охридската медиумска заедница најостро го осуди инцидентот и попречувањето на новинарите при професионално вршење на задача.
Новинарките велат дека во близина присутен бил и сообраќаен полицаец, но оти не реагирал никако и покрај барањето од нивна страна да ги заштити.
Мики Трајковски
фото: супер радио