На социјалната мрежа Твитер се појави фотографија на Данко Руниќ, директор на белградската Агенција за европска интеграција и член на ЛДП, на која стои пред албанското знаме на плоштадот во Приштина и држи балон со симболите на таа земја.
Руниќ фотографијата пред некое време ја постави на својот Фејсбук профил, но и покрај тоа што ја повлекол пред неколку дена, таа се појави на Твитер.
Данко Руниќ за српски „Блиц“ потврдил дека станува збор за автентична фотографија која како што кажал е направена пред четири години на прославата на Денот на албанското знаме и дека е резултат на шегување со пријателите“
„Ме фотографираше мојот пријател при приватната посета на Приштина. Жал ми е што денес се користи фотографијата за друг контекст. Тие што ја поставија сликата на Твитер сакаат да ме прикажат како предавник и имаат за цел да ме загрозат мене и мојата фамилија“, изјави Руниќ за Блиц.