Екипата на Карпош Соколи го загуби и седмиот натпревар во својата дебитантска сезона во регионалната кошаркарска АБА лига. Синоќа во СЦ „Борис Трајковски“ македонскиот претставник беше поразен од словенечка Олимпија со 87:83, во основните 40 минути беше нерешено 73:73.
Карпош Соколи се единствената екипа која досега во АБА лигата се нема израдувано на победа, па затоа е на дното на табелата, на која едно место пред нив (претпоследно) е актуелниот македонски првак МЗТ Скопје кој единствената победа досега ја имаше токму градскиот ривал.
На другите натпревари од 7.коло одиграни претходно беа постигнати овие резултати:
Крка – Задар 80:79,
Цибона – ФМП 87:68,
Партизан – Будуќност 61:64,
Игокеа – Цедевита 69:84,
Мега Лекс – МЗТ Скопје Аеродром 87:72,
Морнар – Црвена звезда 59:71.
Табела: Црвена звезда 7-0 (победи-порази), Будуќност 7-0, Цибона 6-1, Партизан 6-1, Цедевита 4-3, Игокеа 3-4, Задар 3-4, Морнар 2-5, ФМП 2-5, Мега Лекс 2-5, Крка 3-3, Олимпија 2-4, МЗТ Скопје Аеродром 1-6, Карпош Соколи 0-7.