Во експлозија во рудник за јаглен во југозападна Кина денеска загинаа 15, а повредени се 18 рудари, јави Државната новинска агенција Ксинхуа.
Повеќе од 200 припадници на спасувачките тимови, пожарникари и полицијата го пребаруваат окното во рудникот во градот Лаису, во регионот Чонгчинг.
Експлозијата одекнала во раните утрински часови кога во рудникот имало 35 рудари, од кои двајца успеале да се спасат.
Во рудниците во Кина често доаѓа до несреќи, иако подобрувањата во сферата на безбедноста и затворањето на малите опасни рудници ја намалија стапката на смртност во изминатите години.