Времето во понеделник ќе биде променливо облачно со слаб локален дожд, особено во северните делови. Потоа ќе биде сончево и релативно топло со мала до умерена облачност и слаб до умерен, а во вечерните часови на места и засилен северозападен ветер.
Утринските температури се движат од 5 до 11 Целзиусови степени додека максималните дневни ќе бидат во интервалот меѓу 18 до 29 степени.
Во Скопје и околината ќе биде умерено облачно и со слаб северен ветер. Утринската температура се движи околу 10, додека во текот на денот максималната ќе достигне 26 степени.
Кон крајот на понеделникот со засилен северен ветер кон нашето подрачје ќе започне да се спушта студена воздушна маса од поларните географски ширини.
Ова ќе предизвика во вторник времето да биде променливо облачно, ветровито и постудено со повремени врнежи од дожд со слаб до умерен интензитет. Максималната температура ќе се движи од 14 до 22 степена.
Променливо облачно, студено и ветровито но претежно суво ќе биде во среда, кога дневната температура ќе биде во интервал од 10 до 16 степени.
Во четврток ќе настапи разведрување, па утринската температура ќе се спушти од 0 до 7, а во петок од -2 до 5 степени. Од четврток дневните температури ќе бидат во постепен благ пораст.