Генералниот секретар на ОН, Бан Ки-мун денеска соопшти дека Светската организација започнала истрага за нападот врз конвојот со хуманитрана помош во Сирија на 19 септември, при кој загинаа 18 лица.
– Внатрешниот комитет на ОН ќе ги утврди фактите за настанот од 19 септември, рече Бан.
Тој нагласи дека по „утврдувањето на фактите“, ОН ќе решат какви чекори ќе преземат против одговрните за нападот.
Воздушниот напад врз камионите што превезува хуманитарна помош беше извршен за време на примирјето во Сирија во близината на северниот сириски град Алепо.
САД и Русија го осудија инцидентот и побараа поведување истрага за утврдување на одговорноста за нападот.