Жена почина откако нејзиното тело било запалено во близина на „Китино кале“ во Кичево.
Женското тело како гори го видел случаен минувач вчера околу 15:50 часот по што интервенирала Територијалната противпожарна единица во Кичево. Телото е изгаснато со апарат за гаснење на пожар, а од страна на лекар од Општината болница во Кичево е констатирано дека жената не дава знаци на живот.
Увид на местото на настанот извршиле јавен обвинител и увидна екипа од Надворешната канцеларија за криминалистички работи од Кичево. По наредба на јавен обвинител, телото е предадено за обдукција.
– Се утврдува идентитетот на лицето и се преземаат мерки за целосно расчистување на настанот, изјави портпаролот на СВР-Охрид, Стефан Димоски.
