Земјотрес со јачина од 6,1 степен според Рихтеровата скала ја погоди Колумбија, јави БТА.
Епицентарот се наоѓа на 21 километар од градот Мутата и на 129 километри од градот Меделин, покажуваат податоците на американскиот Геофизички институт.
Земјотресот бил на длабочина од 17 километри, јави ДПА, која се повикува на податоците од американскиот Геофизички институт, додека според информациите на на колумбискиот Геофизички институт, потресот бил на длабочина од 30 километри.
Засега нема податоци за жртви и материјални штети.