Сончево со мала до умерена облачност и слаб до умерен северен ветер.
Минималната температура ќе се спушти во интервалот од 8 до 17, а највисоката преку денот ќе достигне 26 до 33 степени.
Во Скопското подрачје, ќе биде сончево со мала до умерена облачност и со умерен ветер од северен правец. Утринската температура ќе биде околу 14, а дневната ќе достигне до 31 степен.
УВ индексот ќе изнесува 7.
За време на викендот и в понеделник ќе преовладува сончево и топло со мала до умерена локална облачност.
Од вторник па сѐ до крајот на наредната недела, подрачјето на Македонија ќе биде под влијание на влажни бранови од Медитеранот од кои се очекува да наврнат поголеми количини на воден талог.
Поради зголемената облачност и присуството на зголемена влажност во воздухот ќе има значително намалување на температурата на воздухот.