Жителите на тетовската населба „Дарданија“за денес во 12 часот најавија протест пред општинската зграда.
Тие се револтирани и загрижени од дивата депонија, која го задушува градот, од неподносливата миризба и загаденоста во градот.
„Ги повикуваме сите наши сограѓани, невладините здруженија и организации кои делуваат во Тетово да ни се придружат за да го искажеме нашата загриженост и незадоволство за тоа што се случува со дивата депонија во влезот на градот Тетово“, стои во повикот.
Депонијата е на еден километар од центарот на градот.
Дневно од градот се собираат од 100 до 150 тони смет, и не може дневно да се префрли во Дрисла. Затоа се создава дивата депонија.