По неполни три часа распит, од Основниот суд Скопје 1 Скопје излезе поранешната министерка за внатрешни работи, Гордана Јанкуловска, осомничена во случајот на СЈО наречен “Тврдина“, а во кој таа се сомничи за незаконско уништување на опремата за прислушување.
Таа истакна дека е сосема спокојна, бидејќи не сторила никакво кривично дело и додаде дека во периодот кога била министерка, раководела професионално со МВР.
Според Јанкуловска, Специјалното јавно обвинителство работи како продолжена рака на СДСМ, а тоа го покажале со досегашните активности во кои отварале предмети единствено против функционери од ВМРО-ДПМНЕ.
Екс министерката не одговори дали како министерка за внатрешни работи знаела за уништувањето на опремата, но за снимките кажа дека се нелегално стекнати, но дека секогаш кога ќе ја повикуваат, таа ќе се појавува на Суд.