Средбата на лидерите на четирите партии ВМРО-ДПМНЕ, СДСМ, ДУИ и ДПА во Виена е откажана со оглед дека не се исполнети условите за нејзино одржување.
Лидерот на СДСМ Зоран Заев вчера испорача два предуслови кои не се исполнети-повлекување на аболицијата и одложување на изборите за 5 јуни.
Присуството го имаа потврдено само ВМРО-ДПМНЕ и ДУИ, а освен еврокомесарот за проширување Јоханес Хан и тројцата европарламентарци Едуард Кукан, Ричард Ховит и Иво Вајгел како домаќини на средбата требаше да присуствуваат и амбасадорите на САД и ЕУ во земјава Џес Бејли и Аиво Орав.