Капитенот на Реал Мадрид, Серхио Рамос изрази големо задоволство од триумфот над Волфсбург и ја потенцира одличната игра на Кристијано Роналдо.
– Ако некој се сомневаше Роналдо, имаше можност да види дека не е во право, а Португалецот тоа го покажа по кој знае кој пат, тој е феноменален. Некои луѓе мислеа дека е невозможно да се вратиме по поразот од 2:0, но ние имавме контрола на ритамот на натпреварот во реваншот, изјави Рамос и додаде дека многу му била потребна ваква ноќ.
– За мене ова сезона беше многу комплицирана, полна со болка. Ми требаше ноќ како оваа, да се ужива во неа. Што се однесува до натпреварот, тој беше сензационален, од првата до последната минута. Кога навивачите му даваат ваква поддршка на тимот, тогаш е како да имаме екстра играч на теренот, истакна Рамос.
Реал синоќа го совлада Волсбург со 3:0 и со вкупни 3:2 се пласира во полуфиналето од Лигата на шампионите.