Генералниот секретар на НАТО Јенс Столтенберг ја обвини Русија дека ги поткопува напорите за постигнување мир во Сирија со тоа што нанесува удари врз опозициските групи, наместо по екстремистите од Исламска држава.
– Тоа мора да запре за да биде постигнат траен мир, рече тој.
– Воздушните удари на руските авиони против различни опозициски групи во Сирија всушност ги попречија напорите за мирно решение преку преговори, дополни Столтенберг.
Оваа изјава на генералниот секретар на НАТО доаѓа откако големите сили, вклучително и Русија, постигнаа договор за прекин на огнот меѓу бунтовниците и владините сили на Сирија. Сепак, Москва соопшти дека ќе продолжи да ги бомбардира екстремистите.
– Она што ни е потребно е траен прекин на огнот, потребна е помош за мирните граѓни и секако имаме потреба од договор за политичка транзиција, дополни Столтенберг.