Лидерот на ДУИ Али Ахмети преку неговиот Фејсбук статус ги повика СДСМ да го испочитуваат договорот од Пржино и да учествуваат на изборите на 24 април.
– Ја повикувам најголемата опозициска партија да остане посветена на реализацијата на преостанатите обврски од договорот, вклучувајќи го и учеството на изборите за кои заеднички се договоривме да бидат на 24 април, како и да не избрзуваат со важни одлуки за иднината на земјата. Како што веќе кажав, најголемите партии сносат најголема одговорност за државата и граѓаните, затоа треба да делуваат храбро во согласност со одговорноста и општото добро, ставајќи ги притоа партиските интереси на страна, напиша Ахмети.
Ахмети потсетува што се случило и на што се согласиле партиите притоа спомнувајќи го и датумот 24 април.
Тој вели дека 24 април како датум на изборите бил потврден и на лидерската средба одржана на 15 декември 2015 година, кога бил договорен изборот на членови на Државната изборна комисија.
-Спроведувањето на договорот секако дека имаше свои предизвици но поголемиот дел од обврските веќе се спроведуваат и се реализирани додека исто така се усвои и акциониот план за итни реформи препорачани од страна на Европската комисија, чија имплементација ке продолжи и по изборите.
Во исто време ние сме посветени да и помогнеме на ДИК да ги врши задачите на време и да обезбеди еднакви услови на медиумите за партиите што учествуваат во изборниот процес, напиша Ахмети на Фејсбук.