Македонскиот кошаркарски шампион МЗТ Скопје Аеродром вечерва во рамки на 19.коло од АБА лигата ја пречекува последнопласираната Сутјеска. Почетокот на дуелот е во 21 часот и се игра во СЦ „Јане Сандански“.
На првиот дуел во Никшиќ, МЗТ Скопје оствари победа од 77:68. Избраниците на тренерот Александар Јончевски ги очекува тешка работа особено што сите очекуваат победа по серијата од четири триумфи на последните пет натпревари.
Од ова коло досега се одиграа два натпревара: Тајфун – Задар 66:82 и Металац – Крка 83:77.
Денеска се играат и дуелите: Цедевита – Будуќност и Партизан – Цибона. Колото ќе биде комплетирано со утре кога играат: Олимпија – Црвенза Звезда и Игокеа – Мега.
Табела: Будуќност 16-2 (победи-порази), Цедевита 15-3, Црвена Звезда 13-5, Мега 12-6, Крка 8-11, Металац 8-11, Задар 8-11, МЗТ Скопје Аеродром 8-10, Цибона 8-10, Тајфун 7-12, Олимпија 7-11, Партизан 6-12, Игокеа 6-12, Сутјеска 6-12.