Уредбата на властите во Приштина за забрана за влегување во Косово на лица кои имаат дозвола за престој на Косово и српски лични карти е суспендирана, изјави денеска косовскиот заменик-министер за внатрешни работи Милан Радојевиќ.
Тој за Танјуг истакна дека одлуката за српските лични карти е суспендирана и оти за тоа изутрината се информирани и припадниците на полицијата на сите премини меѓу Косово и централна Србија.
Уредбата на властите во Приштина за забрана за влегување во Косово на сите лица со српски лични карти, кои живеат на тој простор, селективно е применувана вчера на преминитге меѓу централна Србија и Косово, јави Танјуг.
Уредбата не е спроведува на премините Јариње и Брњак во северно Косово, но некои граѓани со српски лични карти, кои живеат на Косово се враќани од преминот Мердаре.