Екипата на Црвена ѕвезда забележа победа над Крка со 71:65 во мечот со кој беше комплетирано 13. коло во регионалната кошаркарска АБА лига.
На средбата одиграна синоќа во Ново Место, актуелниот шампион на АБА лигата до десеттата победа сезонава ја предводеа, Стефан Јовиќ и Мајк Цирбес со по 13 постигнати поени.
Кај Крка, воедно и на натпреварот, најефикасен беше Лука Лапорник со 17 поени.
Со оваа победа „црвено-белите“ се искачија на второто место на табелата со 23 бодови колку што има и трето пласираната Цедевита, а еден помалку од водечкиот тим на Будуќност.
Комплетни резултати од 13.коло во АБА лигата:
Сутјеска – Задар 71:60
Игокеа – Тајфун 71:82
Партизан – Унион Олимпија 76:74
Цибона – Будуќност 69:91
Металац – Мега Лекс 83:76
МЗТ Скопје Аеродром – Цедевита 65:70
Крка – Црвена ѕвезда 65:71.
Табела:
Будуќност 24 бодови,
Црвена Ѕвезда 23,
Цедевита 23,
Мега Лекс 22,
Задар 20,
Тајфун 19,
Крка 19,
У. Олимпија 18,
Игокеа 18,
Партизан 18,
Металац 18,
МЗТ Скопје Аеродром 17,
Цибона 17 и
Сутјеска 17.