Израелската полиција соопшти дека две Палестинки со ножици нападнале еден Израелец на пазар во Ерусалим по што полицајците отвориле оган кон нив и убиле една од нив.
Портпаролката на израелската полиција Луба Самри изјави дека една жена е убиена, а друга е ранета. Брзата помош соопшти дека мажот не е потешко повреден.
Инцидентот се случил на фреквентна улица во центарот на Ерусалим.
Палестински напаѓачи убија 18 Израелци изминатите два месеци, претежно во напади со нож додека израелските безбедносни служби убија 88 Палестинци, од кои, според израелски извори 56 извршиле напади. Останатите се убиени во судири меѓу демонстранти и израелските сили.