Советот на ЕУ ја одобри денеска Спогодбата за стабилизација и асоцијација со Косово, јави Танјуг, повикувајќи се на приштински медиуми.
Договорот ќе биде потпишан на 27 октомври во Стразбур.
Косовскиот министер за европска интеграција Беким Чолаку оцени дека одобрувањето на договорот е историски момент за Косово и отвора нова страница во процесот на европска интеграција на земјата.
Во јули 2014 година Косово ги заврши преговорите со ЕУ по Договорот за стабилизација и асоцијација, како прв чекор на патот кон евентуално членство во Унијата, но документот од своја страна носи и економска корист.