Унгарската Влада донесе одлука да изработи план за изградба на ограда и на границата на Унгарија кон Романија, доколку бегалците ја променат својата маршрута и започнат да пристигнуваат во земјата од романска територија, соопшти денеска унгарскиот министер за надворешни работи Петер Сијарто.
– Решивме да започнеме подготвителни работи за изградба на ограда долж унгарско-романската граница со разумна должина, во случај имигрантскиот притисок да се насочи кон Романија, изјави Сијарто на прес-конференција во Будимпешта.
За да го спречи приливот на илегални имигранти во земјата, Унгарија веќе изгради ограда на својата граница кон Србија.