Локалната самоуправа Кавадарци заедно со кавадаречкото комунално претпријатие ќе го решаваат проблемот со кучињата скитници, најави попладнево градоначалникот Александар Панов.
-Третман на кучињата скитници навистина е потребен. Обидот што го направивме со општините од Вардарскиот плански регион со помош на УНДП да го решиме овој проблем, не ни успеа. Но не се откажуваме, изјави Панов за медиумите.
Тој нагласи дека граѓаните го рангираат овој проблем како врвен приоритет на градот за решавање во моментов.
-Кавадарци нема егзистенцијални потреби за решавање од типот на недостиг на вода, канализацазиони мрежи и слично, но потребите се веке искристализирани, а тоа се изградба на детска градинка, уредување на влезовите на градот, решавање на проблемот со фудбалот и последното што го пратиме е проблемот со кучињата скитници, кој сум убеден дека во најскоро време ке го решиме независно, дали сами или како регион, рече градоначалникот.