Напаѓачот на Челзи и Шпанија, Диего Коста се најде на удар на шпанските медиуми по неговиот настап во Скопје, каде што заради слабото издание, Дел Боске го повлече од игра по само еден час.
– Морам уште да напредувам за да почнам да постигнувам голови. Не сум задоволен од моите настапи во изминатиов период, ниту од мојот настап против Македонија, но среќен сум за победата. Најважно е тоа дека освоивме три значајни бода, изјави Коста.
Шпанскиот напаѓач, родум од Бразил, постигна само еден гол во националниот дрес и тоа против Луксембург минатата година.
Ништо подобар не е ниту во дресот на Челси, бидејќи сезонава постигна само еден гол во англиската премиерлига.